*AÑORGAKO IZPIAK JAIALDIA*
KREA Energia berriztagarriak, Ordiziarock ekintzak eta Añorga Kultur eta Kirol Elkartearen artean aurrera eramango dugun Kultura eta Ingurumena uztartuko duen formatu berritzailea duen jaialdia da.
Kulturari dagokionez musika jorratuko da oraingoan eta bertako artistei emango zaie garrantzia. Gure artean Howdy bluegrass, Jon Gurrutxaga eta Urbil Artola eta Bi Zaldi taldeak izango ditugu, beraien arteko hutsuneak DJ Monky Man beteko dituelarik.
Ingurumen arloan berriz Ordiziarock ekintzak eta KREAn artean sortu duten energia berriztagarrien biltegi mugikorra erabiliko da, plaka fotoboltaikoen bidez eguzki indarra bildu eta jaialdiak behar dituen elementu elektrikoak elikatuko dituena.
~
Jaialdia egunean zehar Añorgako Harrobiaren plazan burutuko da, eguerdiko 13:00tatik arratsaldeko 19:00ak arte.
~ Bertan bazkaltzeko aukera izango da (Jolas Etxeakin elkarlanean).
~ Gorreria duten pertsonek kontzertuaz gozatu ahal izango dute Ekirockek sortzen duen bukle magnetikoari esker.
~ Ekirock proiektuaren ezaugarriak eta funtzionamendua ezagutzeko aukera izango da.
~ Unean dagoen araudia errespetatuko da eta egokitutako segurtasun neurriak izango dira.
~ Sarrera arrunta 10€ eta Ordiziarock eta AKKE bazkideak 8€
